Galliani në Madrid për Kakan

Milani ka ende shpresë se do të sigurojë shërbimet e mesfushorit të Real Madridit, Kaka, teksa Adriano Galliani pritet të udhëtojë në kryeqytetin spanjoll për të negociuar rreth transferimit.

Braziliani që një kohë të gjatë po lidhet me një kalim te Milani, por situata financiare e klubit rossoner ka bërë që transferi të komplikohet. “Unë do të udhëtoj në Madrid ditët në vijim. Ne do të duhet të presim dhe të shohim cilat janë mundësitë”, ka theksuar Galliani për Sky Sport Italia.

Milani kërkon 30-vjeçarin në formë huazimi njëvjeçar pa paguar asnjë cent dhe është i gatshëm të paguajë gjysmën e pagës vjetore të brazilianit prej 10 milionë eurosh.