Kaka e Caroll nuk shkojnë te Milani

Zëvendëspresidenti i Milanit, Adriano Galliani, ka thënë se me transferimin e Bojan Krkic do të përfundojë aktiviteti transferues i Rossonerëve për këtë afat kalimtar. Kuqezinjtë të martën kanë siguruar shërbimet për një vit të ish-sulmuesit të Barcelonës, ndërsa Galliani e ka bërë të qartë se të përfolurit, Kaka, Andy Carroll dhe Angelo Palombo, nuk do të kalojnë në San Siro.

“Unë vazhdoj ta them, por ju nuk më besoni, me transferimin e Bojan, tregu është mbyllur, tërësisht i mbyllur”, ka thënë Galliani.