Nadal heq dorë edhe nga US Open

Pas Lojërave Olimpike në Londër, ku shkaku i një dëmtimi u detyrua të hiqte dorë nga pjesëmarrja, tenisti spanjoll Rafael Nadal nuk do të luajë as në turneun e fundit grand slam të këtij viti, në atë US Open.

Lajmin e zyrtarizoi vetë fituesi i shumë grand slam turneve nëpërmjet një deklarate të publikuar pasditen e së mërkurës në “Twitter”.

“Me keqardhje më duhet të lajmëroj se nuk jam ende gati për të marrë pjesë në US Open”, njoftoi ai, duke kërkuar mirëkuptim nga të gjithë tifozët e tij, veçanërisht ata në New York.

Për herë të fundit, Nadal ka luajtur një takim zyrtar më 28 qershor, kur u eliminua në raundin e dytë të Wimbledonet.

Category: Tenis