Balotelli do të operohet në sy

22-vjeçari nuk mund të durojë më mbajtjen e thjerrëzave të kontaktit, ashtu që ka kërkuar ndërhyrje për korrigjimin e miopisë (shkurtpamësisë).

“Mario nuk është ende i gatshëm të kthehet në fushë. Ai duket se nuk mund t’i durojë më thjerrëzat e kontaktit. Ai ndjehet mirë tash, por problemi mund të kthehet kurdo”, u ka thënë Mancini gazetarëve.

Sulmuesi italian nuk do të luajë ndaj QPR-së, ndërsa veç tij mungon edhe sulmuesi kryesor, Sergio Aguero, ashtu që trajneri do të mbështetet te Carlos Tevez dhe Edin Dzeko.