Gerrard: Mourinho e Sir Alex më kanë kërkuar

Mesfushori anglez i ka qëndruar gjithmonë besnik klubit nga Anfield, edhe pse po të shkonte diku tjetër ka mundur të fitojë më shumë trofe.

Në një intervistë për Daily Mail, ai ka treguar se Jose Mourinho e kishte kërkuar atë edhe gjatë kohës sa e drejtonte Chelsean, edhe pasi e mori drejtimin e Real Madridit. Mirëpo, në të dyja rastet, 32-vjeçari e kishte refuzuar për të vazhduar me klubin e tij të zemrës.

Edhe Sir Alex Ferguson, i cili e quante “lojtari më me ndikim në Ligën Premier”, ishte përpjekur që ta joshë mesfushorin në Old Trafford. Megjithatë, edhe në këtë rast dashuria e Gerrard për Redsat nuk ishte luhatur.