Mourinho ‘qetëson’ Ronaldon

Trajneri i Real Madridit, Jose Mourinho, ka intervenuar pas deklaratave shokuese të Cristiano Ronaldos se ai është i pakënaqur me klubin.

Pasi Manchester United dhe Manchester City mezi po presin një sinjal të gjelbërt nga portugezi, është Jose Mourinho ai që ka qetësuar situatën me anë të një telefonate.

“Ti je një lojtar i madh këtu. Mos ki dyshime – duhet të jemi të qartë. Ti je shumë i pëlqyer dhe duhet të ndihesh i dashur. Ndjeje dashurinë tonë. Ne do të të ndihmojmë në çfarë do që ke nevojë”.

“Ne do të flasim më gjërësisht kur të kthehesh nga angazhimet me kombëtaren. Duhet të jesh i qartë, ne jemi këtu për të të dëgjuar dhe ndihmuar”, besohet t’i ketë thënë Mourinho yllit të tij Ronaldos me anë të telefonit sipas Marca.

Ende nuk dihet arsyeja e sakt e deklaratave të Cristiano Ronaldos për pakënaqësinë e tij me klubin mbretëror.

Category: Futboll