Ronaldo i lënduar, mungon në kualifikimet për Botëror

Portugezi u sigurua që ekipi i tij të mos largohet duar-zbrazët nga Camp Nou duke shënuar të dy golat e skuadrës, por mbrëmja përfundoi zhgënjyese për të, pasi 27-vjeçari pësoi lëndim.

Herët në pjesën e dytë Ronaldo ra në tokë dhe u pa se kjo i shkaktoi dhimbje, por ai vazhdoi të luajë dhe përfundoi ndeshjen, edhe pse testet pas ndeshjes treguan lëndim.

Shkalla e dëmtimit në shpatull ende është e panjohur, dhe priten skanime të mëtejme.

Portugezi tash pritet mund të mungojë në ndeshjet e ardhshme kualifikuese me Portugalinë për Botërorin 2014 ndaj Rusisë dhe Irlandës Veriore më 12, respektivisht 16 tetor.