Barca nuk njeh kundërshtar

Me një gjuajtje të lirë në minutën e 28-të, Xavi Hernandez heshti tifozët vendas.

Lionel Messi e dyfishoi epërsinë (44’), falë gabimit të Aouates, për të barazuar rekordin e Peles për më shumë gola të shënuar brenda një viti kalendarik (75 gola).

Tello pranoi një top nga Cesc Fabregas për ta ngritur në 3-0 epërsinë para se skuadrat të shkonin në pushim (45’).

Në gjysmën e dytë, vendasit u kthyen në lojë. Michael Pereira (55’) dhe Victor nga penaltia (58’), e ngushtuan rezultatin në 3-2.

Mirëpo, si gjithmonë, aty është njeriu i rekordeve, Leo Messi. Alexis Sanchez lëvizi mirë duke dërguar një top drejt argjentinasit, i cili theu rekordin e Peles me golin e 76-të të shënuar (për Barcën dhe Argjentinën) gjatë vitit 2012 (70’).

Kjo ishte fitorja e dhjetë e Barcelonës këtë edicion (që ka regjistruar vetëm një barazim, ndaj Real Madridit) dhe kryeson Kampionatin spanjoll me 31 pikë. /Telegrafi/