Falcao do të respektojë kontratën

Ilir Tërstena | Wednesday, November 21, 2012 |


Pothuajse çdo ditë dalin zëra mbi Radamel Falcaon, një nga sulmuesit më në formë në La Liga por edhe në Evropë. Kolumbiani pak ditë më parë konfirmoi se realiteti i tij është Atletico Madrid dhe nuk mendon për asgjë tjetër, por fjalëve të tij i shtohen edhe ato të presidentit Enique Cerezo që nuk e shikon skuadrën pa bomberin kolumbian.

“E vërteta është se nuk kam dëshirë të flas shumë për Falcaon, por kur ke kontrata me lojtarët atëherë je edhe i qetë. Kontratat janë bërë për t’u respektuar por gazetarët duhet të më pyesin edhe për lojtarët e tjerë për shembull Arda Turan”.

Për Radamel Falcaon ka shumë zëra, ku në Spanjë e shikojnë si zëvendësuesin e mundshëm të Ronaldos nëse ky i fundit ikën nga Madridi por flitet edhe për një kalim në Angli te Chelsea ose Man. City.

Category:

Ju pelqen artikulli shperndaje me shoke!