SHBA, Formula 1 rikthehet pas 5 vjetësh
Gjithçka është gati sipas organizatorëve që projektojnë një garë spektakolare, për vetë mënyrën se si është projektuar pista e Texas. Dy pjesë të drejta të cirkuitit u lejojnë pilotëve të nxjerrin maksimumin nga makinat e tyre.
Gara e parë në pistën e Austin mund të jetë më e rëndësishmja e këtij sezoni, pasi në rast fitoreje të Sebastin Vettel dhe një pozicioni jo të mirë të Fernando Alonsos, atëherë gjermani i skuderisë Red Bull do të mbyllte betejën për titullin kampion, duke marrë trofeun e tretë radhazi.
"Jam shumë i emocionuar dhe mezi pres të zbres në pistë. Sigurisht do të jetë pak e vështirë për të gjithë të ambjentohemi me pistën e re, por në pamje të parë ky circuit më duket me të vërtetë shumë i mirë", është shprehur Vettel.
Por deri në fund të garës ka kohë, ndërsa i sigurt është fakti që Alonso nuk do të dorëzohet lehtësisht, çka pritet ta bëjë akoma më spektakolare këtë pistë. /albeu.com/
Category: Formula 1
