Një ngjarje e pazakontë ka ndodhur në elitën e futbollit spanjoll. Enrique de Lucas, i cili po qëndronte në bankinë, është kapur nga kamerat duke pirë birrë në një gotë plastike, para se të futej në fushë në humbjen e Celta Vigos nga Sevilla me rezultat 4:1, në ndeshjen që u zhvillua të hënën mbrëma.
35 vjeçari, i cili në të kaluarën kishte luajtur një sezon në Chelsea, është pjesë e Celta Vigos dhe klubi mund të ndërmarrë masa ndaj tij për këtë gjest, sepse siç dihet, futbollistëve nuk iu lejohet konsumimi i alkoolit para lojës. Kushedi nëse Enrique e ka parë mirë topin pas inkuadrimit të tij në lojë… /Fish Media/
