Derbi i zjarrtë romak, pa fitues (Video)
Në një ndeshje me plot raste dhe emocione, ku pati gola, penallti dhe karton të kuq, rezultati përfundimtar ishte 1:1.
Biancocelesti kaluan të parët në epërsi falë golit të brazilianit Hernanes, të realizuar në minutën e 16-të. Ky i fundit e ka lëshuar mundësinë e artë për t’ia siguruar ndoshta tri pikë ekipit të tij, kur në minutën e 49-të e humbi penalltinë, duke gjuajtur jashtë portës.
Atë që nuk e bëri përfaqësuesi brazilian e bëri kolegu i tij i repartit, por nga ana tjetër e fushës, Francesco Totti, i cili ishte i saktë nga 11 metërshi, duke i barazuar shifrat në minutën e 57-të të takimit.
Ekipi i Lorik Canës mbeti me një lojtar më pak në minutën e 69-të, kur Biava u ndëshkua me karton të kuq, pas dy të verdhëve të shpejt.
Sigurisht, ky barazim nuk i kryen punë asnjërës skuadër, në luftën e tyre për pozitën e tretë, e cila qon në Ligën e Kampionëve sezonin tjetër. /Fish Media/
Category: Futboll
