Ronaldo: Portugalia do ta kryesojë grupin

28-vjeçari, i cili shënoi hat-trick ndaj Irlandës së Veriut muajin e kaluar, shpreson të mposhtë Izraelin të premten dhe pastaj Luksemburgun të martën dhe të sigurojë kualifikim të drejtpërdrejt për në Brazil verën e ardhshme.

“Mbetem i bindur se ne do të jemi në gjendje ta sigurojmë kreun e grupit, edhe pse fati jonë nuk është krejtësisht në duart tona”, ka thënë Ronaldo.

Portugalia e humbi kreun muajin e kaluar, kur Rusia mposhti Izraelin dhe u ngjit në maje të tabelës. /Telegrafi/