NBA: Wizards shkëlqejnë kundër Raptors

Washington Wizards kanë shkëlqyer në ndeshjen e mbrëmshme të NBA për të shënuar fitore me rezultat 109-94 ndaj Toronto Raptors.
Andray Blatche shënoi pikët më të larta të ekipit, 22, derisa Gilbert Arenas dhe Nick Young shënuan nga 20 pikë secili, derisa Wizards ishin pa John Wall, i cili ishte jashtë fushe për shkak të lëndimit të këmbës.
Washington kështu iu dha fund humbjeve të njëpasnjëshme, për të shënuar fitoren e tretë të sezonit, derisa mbetet me gjashtë humbje.
Sonny Weems udhëhoqi me 16 pikë për Raptors, të cilët çojnë në nëntë numrin e humbjeve këtë sezon, krahas dy fitoreve.

Category: Basketboll