Shaqiri i zhgënjyer me disfatën

Supertalenti kosovar i Baselit, Xherdan Shaqiri, është shprehur i zhgënjyer me disfatën e pësuar nga Roma të mërkurën mbrëma në Ligën e Kamnpionëve, ku vet realizoi golin e dytë për helvetikët.
“Ne jemi shumë të zhgënjyer. Ne ndjejmë se kemi mundur të nxjerrim më shumë nga kjo ndeshje. Ne bëmë shumë presion në pjesën e dytë. Mendoj se Roma nuk pati ndonjë rast tjetër pos golit, por kjo është Liga e Kampionëve, ekipet këtu shfrytëzojnë më të voglin rast”.
“Nuk duhet të qëndrojmë kokëulur duke menduar se nuk mund ta bëjmë këtë. Nëse ne mund t’i fitojmë ndeshjet tona të ardhshme, atëherë ne do të shohim çfarë do të bëjnë ekipet tjera”, theksoi Shaqiri.
Asi kosovar ka lëvduar dhe legjendën italiane të Romës, Francesco Totti, duke thënë: “Të gjithë që e njohin futbollin, e dinë se çfarë lojtar i mirë është Totti. Ai është klasi botëror dhe në mënyrë të vazhdueshme është paraqitur në nivelin më të lartë. Ai mund të jetë vendimtar në çdo moment”, përfundoi 17 vjeçari.

Category: Futboll