Guardiola: Sa më larg Realit!

Trajneri i Barcelonës, Pep Guardiola, ia ka tërhequr vërejtjen ekipit të tij që të mos bëjë ndonjë lëshim, në mënyrë që të mbahet sa më larg Real Madridi.
“Ndjenja ka qenë e mirë që nga xhiroja e parë. Sidoqoftë, që të jemi kampionë duhet të mbledhim sa më shumë pikë, sepse Real Madridi është ekip shumë i mirë. Vërtet na bën mjaft krenar fakti që jemi duke e mbajtur një skuadër aq të fortë, aq larg nesh”.
“Prapa tyre janë të tjerët, si Villarreali, që kur e ka ditën di të jetë një prej skuadrave më të forta në Evropë. Ne e dimë se duhet të luajmë shumë mirë në pjesën e dytë të sezonit”, ka thënë Guardiola.

Category: Futboll