Rodriguez: Liverpooli mund ta tejkalojë Tottenhamin

Mesfushori i Liverpoolit, Maxi Rodriguez, beson se Redsat mund t’ia zënë vendin e pestë Tottenhamit deri në fund të sezonit dhe të jenë konkurrentë seriozë për pozitën e katërt në Ligën Premier.
“Barazimi i Tottenhamit do të thotë se ne e kemi ngushtuar diferencën me vendin e pestë dhe akoma kemi gjasa për t’u kualifikuar në Evropë”.
“Do të vazhdojmë luftën deri në fund dhe shpresojmë ta mbyllim sezonin në mënyrën më të mirë”, ka thënë realizuesi e tre golave në fitoren e fundjavës kundër Birminghamit.
Liverpooli aktualisht mban vendin e gjashtë me tre pikë më pak se Tottenhami në vend të pestë, dhe katër më pak se Manchester City që ruan pozitën e katërt.

Category: Futboll