Gullit: Milani po e vuan mungesën e Pirlos

Ruud Gullit thotë se Milani e ka lënduar veten pasi ka lejuar Andrea Pirlon të largohet në drejtim të Juventusit.
Pirlo, tash lojtar i Juventusit, u largua nga Milani si lojtar i lirë pasi dështoi të arrijë marrëveshje të re me klubin.

“Gjithmonë është e vlefshme të kesh dikë si Pirlo në ekip. Pirlo dhe Zlatan Ibrahimovic janë dy kampionë të cilët mund ta bëjnë diferencën. Gjithmonë do të doja t’i kem ata dy në ekipin tim”, ka thënë Gullit për Gazzetta dello Sport.

Holandezi së fundi tha se Milanit i mungojnë edhe dy brazilianët, Robinho dhe Alexandre Pato, që të dy të lënduar.

Category: Futboll