FA e dëshiron Wengerin në stolin e Anglisë
Menaxheri i Arsenalit, Arsene Wenger, është duke u kërkuar nga Federata Angleze e Futbollit për të marrë nën drejtim përfaqësuesen e Anglisë.
Mediat angleze shkruajnë se Harry Redknapp mbetet favorit por ka dyshime për të nga ana e FA për shkak të shëndetit të tij dhe për shkak të problemeve me taksat. Redknapp mungoi në disa ndeshje te Tottenham dhe u kthye më detyrë vetëm mbrëmë pasi iu nënshtrua një operimi në zemër tre javë më parë.
“Emri i Arsene doli gjatë diskutimeve. Do të ishte e çuditshme nëse nuk do të përmendej. Ai është një menaxher i respektuar ndërkombëtarisht me një rekord të mahnitshëm”, ka thënë një burim nga federata angleze për Daily Express.
Category: Futboll
0 Komente