Deschamps: Dua futboll efektiv

Didier Deschamps thotë se ai do të tentojë të aplikojë futboll efektiv dhe jo shumë argëtues derisa do të jetë në krye të Francës.

Ish-trajneri i Monacos, Juventusit dhe Marseille, u caktua përzgjedhës i ri i Francës pas largimit të Laurent Blanc si pasojë e dështimit të tyre në Euro 2012, dhe sonte do të ketë testin e parë në miqësoren ndaj Uruguait.

“Nuk më pëlqen të përdori fjalën test. Kurrë nuk është lehtë të drejtosh skuadrën e Francës për të parën herë, por ne kemi një mentalitet të fuqishëm dhe duhet ta tretim momentin”.

“Filozofitë e mia janë të luajë futboll efektiv, duke shfrytëzuar topin për të krijuar probleme për kundërshtarin. Është e qartë se ne nuk luajmë futboll për argëtim, dhe duhet gjithmonë të kërkojmë të fitojmë”, ka thënë Deschams për Eurosport.

Category: Futboll