Muamba pensionohet nga futbolli
23-vjeçari pësoi arrest kardiak pasi u rrëzua në fushë gjatë ndeshjes së Kupës FA përballë Tottenhamit sezonin e kaluar, por arriti “të ringjallet” pas dërgimit në spital. Ai kishte shpresa për rikthim në fushë, por ta ka marrë lajmin se nuk do të mund ta vazhdojë karrierën profesioniste.
“Pasi vuajta sulmin në zemër dhe u lëshova nga spitali, kam qenë pozitiv duke besuar se një ditë do të kthehem në luaj sërish për Boltonin”.
“Si pjesë e procesit të rikuperimit, javën e kaluar udhëtova në Belgjikë për të kërkuar këshilla shtesë mjekësore nga një kardiolog. Por lajmi që mora nuk ishte ai që shpresoja të ishte dhe kjo do të thotë se tash po konfirmoj pensionimin tim nga futbolli profesionist”.
“Futbolli ka qenë jeta ime që kur isha tinejxher dhe më ka dhënë shumë mundësi. Mbi të gjitha, e dua lojën dhe e kam parë veten me fat që kam qenë në gjendje të luaj në nivelet më të larta. Derisa lajmi është tmerrues, duhet të bëj shumë falënderime”.
“Falënderoj Zotin që ende jam gjallë dhe anëtarët e stafit mjekësor që kurrë nuk u dorëzuan në mua. Po ashtu falënderoj çdokënd për mbështetjen gjatë karrierës dhe tifozët e Boltonit që ishin të mrekullueshëm. Jam i bekuar që kam mbështetjen e familjes dhe miqve në këtë kohë”, ka thënë Muamba në një deklaratë për faqen zyrtare të Boltonit.
Category: Futboll
0 Komente