Ferguson bisedon me Wenger për Van Persien

Menaxheri i Manchester United, Sir Alex Ferguson, ka bërë kontakte të drejtpërdrejta me rivalin e tij të Arsenalit, Arsene Wenger, rreth përpjekjeve të Djajve të Kuq për të nënshkruar me Robin van Persie.

Daily Mail shkruan se Arsenali pret një ofertë të përmirësuar pas kontakteve personale në mes të dy menaxherëve që ndodhi së fundi.

Burimet thonë se marrëveshja për transferimin në Old Trafford të holandezit, i cili shënoi 30 gola sezonin e kaluar, mund të kompletohet para fillimit të sezonit këtë vikend.

Mendohet se Wenger ka përsëritur qëndrimin e tij se 29-vjeçari nuk do të lejohet të largohet drejt United për shumë më të vogël se 30 milionë funte, por se Topçinjtë mund t’i dëgjojnë ofertat mbi 20 milionë e që përshijnë bonuse të tjera.

Category: Futboll