Mirallas në negociata me Arsenalin

Sulmuesi i Olympiakos, Kevin Mirallas, ka zbuluar se agjenti i tij është në negociata me Arsenalin, me dy klubet që mundohen të gjejnë shumën për transferimin e tij.

“Ka ende një shans të transferohem në Ligën Premier .Agjenti im është duke biseduar me Arsenalin, thashethemet janë të vërteta”, ka thënë Mirallas për gazetën belge Het Nieuwsblad.

“Vetëm Olympiakos është pengesë. Ata duam 8 milionë euro dhe asgjë më pak. Por nëse lëvizja nuk kompletohet, do të isha i lumtur të qëndroj edhe në Athinë”, ka shtuar sulmuesi.

Mirallas luajti në fitoren 3-1 të Olympiakos kundër Arsenalit në Ligën e Kampionëve të sezonit të kaluar dhe ka shënuar 34 gola në 52 paraqitje për klubin.

Category: Futboll