Messi: Preferoj titujt me Barcën

25-vjeçari konsiderohet si njëri nga më të mirët në histori të futbollit, megjithatë ai preferon të mbahet mend më shumë si person sesa si futbollist.

“Preferoj të fitoj tituj me Barcelonën më shumë sesa të vendos rekorde të reja ose të fitojë trofe individuale’.

“Më e rëndësishme për mua është që të jem person i mirë sesa të jem futbollisti më i mirë në botë. Kur të pensionohem dua të më kujtojnë si njeri i mirë. Të shënosh gola është bukur, por unë dua të kem miq nga njerëzit me të cilët kam luajtur”.

“Çmimet individuale janë të bukura dhe jam falënderues që i kam fituar, Mirëpo, nuk do të kisha fituar asgjë pa ndihmën e kolegëve të mi. Jam me fat që luaj për këtë klub me këta futbollistë të shkëlqyer. Vetëm po mundohem t’i ndihmoj skuadrës”, ka deklaruar Messi për El Pais.