Messi I fortë si “guri”, rekordi i ri i këtij burri
Mbreti I futbollit botëror, Lionel Messi po thyen çdo rekord, statistikë, e parashikim që është bërë në futboll, sidomos në futbollin spanjoll. Ylli I Barcelonës është lojtari më pak I zëvëndësuar në futbollin evropian viteve të fundit.
Pasi po thyen rekordet në shënimin e golave, Messi është bërë njësh edhe me qëndrimin e tij në fushë. Messi ka luajtur pa u zevendesuar asnjë minut në 99 ndeshjet e fundit, në të cilat kishte realizuar plot 100 gola, më shumë se një për ndeshje. Në 61 prej këtyre ndeshjeve, ylli argjentinas ka shënuar se paku nga një gol.
Ishte janari i vitit 2011 kur Leo Messi ishte zëvëndësuar herën e fundit në ndeshjen e kupës ndaj Betis kur Jefren ishte futur në vend të tij në minutën e 86, pasi ky kishte shënuar 3 gola. Përgatitja fizike e Messit poashtu e bën atë si lojtarin ndër më të fortit aktualisht në futbollin evropian.
Leo Messi nuk e ka humbur asnjë ndeshje për shkak të lëndimeve. Lëndimi i tij i fundit është në shtatorin e vitit 2010 kur në një duel me Ujfalusin kishte pësuar dëmtim në gju. Edhe ndaj Osasunës vitin e kaluar Messu u pushua për shkak të gripit.
Messi mbetet lojtari me më shumë paraqitje në Evropë në 100 ndeshjet e fundit, si dhe lojtari më pak i lënduar, duke llogaritur minutazhën e tij në fushë./indekonline/
Category: Futboll
