Pas Ronaldinhos edhe Robinho nga Milani te Flamengo
Pas Ronaldinho-s, edhe Robinho mund të ndjekë të njëjtin rrugëtim: nga Milan te Flamengo. E ka zbuluar pikërisht Adriano Galliani, i zbritur në Rio de Janeiro për të kryer tratativa për shitjen e brazilianit: “Po, është e mundshme”.
Administratori kuqezi, në orët e ardhshme, do të takohet me drejtuesit e Flamengos për Robinho-n, teksa ky i fundit zbulon: “E dini shumë mirë çfarë ndjenje kam për Santos, por edhe Flamengo është një klub i madh. Ende nuk kam vendosur, kam një kontratë me Milan. Të shohim”.
Robinho nuk kërkon të zhbalancohet, në pritje të verdiktit të bisedimeve mes Gallianit dhe dy klubeve: “Të gjithë e dinë se çfarë ndiej për Santos-in, por edhe Flamengo është klub i madh”, – thotë ai për Globoesporte. – “Historinë time me Santos e dinë të gjithë, por ende nuk kam vendosur asgjë. Kam akoma një kontratë me Milan, kështu që të shohim. Në Milano ndihem mirë, nëse do të largohem ende nuk e di këtë gjë. Përsëris, kam akoma një kontratë të vlefshme dhe e ardhmja ime është në duart e Zotit”.
Nga një brazilian, te një tjetër, duke parë që në agjendën e Galliani-t është edhe takimi me presidentin e Corinthians, për të diskutuar mbi të ardhmen e Pato-s, gjithmonë e më pranë rikthimit në Brazil.
Category: Futboll
