Australian Open: Murray kalon me lehtësi në raundin tjetër

Unknown | Wednesday, January 16, 2013 |

Andy Murray arrin të mbyllë me sukses sfidën përballë holandezit Robin Haase duke u kualifikuar për në raundin e radhës të Australian Open. Kanë mjaftuar 1 orë 38 minuta që Murray të arkivojë rezultatitn e fitores 3-0 me sete, 6-3, 6-1, 6-3. Që në start gjithçka flet për skocezin, që ndonëse nuk realizon i pari, arrin të përmbysë menjëherë situatën duke shkuar drejt fitores së këtij seti. 

 E pas 42 minutash, skocezi vulos rezultatin e parë 6-3. Me nisjen e setit të dytë, spikat sërish saktësia e Murray, që dominon përballë raketës së Haase. 

 Skocezi arrin të thellojë epërsinë shumë shpejt duke e mbyllur këtë set pas 26 minutash me rezultatin 6-1. Raketa numër 3 e botës nuk ndalet as në setin e fundit dhe arrin ta mbyllë atë 6-3, për vetëm 30 minuta, duke u konfirmuar kështu një rival i fuqishëm për titullin kampion të Australian Open.

Category:

Ju pelqen artikulli shperndaje me shoke!