Ronaldo: Ju lutem, mos i fishkëlleni Mourinhos

Pasi që në ndeshjen e kthimit të së tetës së finales të Kupës së Spanjës shënoi hat-trik dhe asistoi në golin e katërt, futbollisti i Real Madridit,Cristiano Ronaldo i ka dalë në krah Jose Mourinhos.

“Mjaft u bë me fyerje për Mourinhon”, ka thënë CR7.

Të rikujtojmë, Reali e anuloi epërsinë prej 1-2 nga ndeshja e parë kundër Celta Vigos, duke shënuar fitore në “Bernabeu” 4:0.

“Ndjej dashuri në Santiago Bernabeu dhe kjo me bën të lumtur. Kur tifozët me mbështesin atëherë jam më o motivuar dhe luaj më mirë”, ka thënë i buzëqeshur shënuesi i 18 hat-trikeve në fanellën e Real Madridit.

“Por, duke të them edhe diçka. I lus tifozët që mos ta fishkëllejnë dhe ta lëndojnë Mourinhon. Ai po jep gjithçka nga vetja, ndërsa ne edhe me tej jemi pjesëmarrës në dy gara (Liga e Kampionëve dhe Kupa e Mbretit). 

Fishkëllimat nuk ndihmojnë! Tifozët, sikur mua mbrëmë, duhet të gjithë t’i mbështesin. Besoj se më pas do të luajmë të gjithë më mirë”, ka thënë portugezi. (ORAinfo)