Drogba dëshiron së paku një titull

Sulmuesi i Chelseat, Didier Drogba, thotë se Chelsea duhet të fitojë së paku një titull këtë sezon, pavarësisht nëse është ai i Ligës Premier ose i Ligës së Kampionëve.
Drogba është në një formë të shkëlqyeshme në këtë fillim sezoni, dhe tashmë ka shënuar katër gola. Sulmuesi po ashtu e ka vazhduar besimin e tij ndaj Chelseat, duke nënshkruar marrëveshje të re trevjeçare. “Nuk e di cilin, por duhet të fitojmë një trofe. Pse të mos i fitojmë edhe të dyja? Gjithmonë kur jam mirë i përgatitur fizikisht, luaj mirë dhe shënoj gola”, ka thënë Drogba. “Gjithmonë do të jem 100% i gatshëm, njerëzit dëshirojnë të thonë, ‘Ou, ky është Drogba i ri’. Por këtu nuk ka asgjë të te, unë vetëm shënoj gola, siç kam bërë edhe më herët”, ka shtuar sulmuesi.

Category: Futboll