Ferguson: Fulhami do ta fitojë EL

Bosi i Manchester Unitedit, Sir Alex Ferguson, është i bindur se Fulhami do ta mposhtë Atletico Madridin në finalen e Europa League që zhvillohet të mërkurën mbrëma në Hamburg.
“T’u them të drejtën ekziston vetëm një zgjidhje në këtë rast. Paraqitjet e Roy Hodgsonit dhe 63 ndeshjet e luajtura deri në finale, është për mua mjaft statistikë e mirë. Unë mendoj se ata kanë gjasa vërtet të mira, mendoj se ata do ta fitojnë atë”.
“Gjëja më e mirë për Fulhamin aktualisht është se ata e dinë se çfarë duhet të kërkojnë çdo javë. Ka qëndrueshmëri dhe një përzgjedhje të mirë të ekipit. Ekipi është i njëjtë si gjatë gjithë sezonit. Shpresoj se Bobby Zamora do të jetë i gatshëm sepse është futbollist i rëndësishëm për ta. Por, ata kanë arritur formën e duhur, ata kanë një baraspeshë dhe ata e dinë si të luajnë. Mendoj se ata kanë rast të mirë”, tha Ferguson për Sky Sports.

Category: Futboll