Higuain: Mendoj vetëm për ekipin
Pas het-trikut të tij ndaj Koresë së Jugut, sulmuesi argjentinas Gonzalo Higuain ka lëvduar përkushtimin e ekipit në këtë sfidë, duke këmbëngulur se paraqitja kolektive ishte shumë më e mirë sesa paraqitja e tij.
“Duhet të mendoni për ekipin para se të mendoni për vete. Ne i shndërruam rastet në gola, pasi dështuam ta bëjmë këtë në ndeshjen e parë. I gjithë ekipi luajti rol të madh. Ne jemi të kënaqur me paraqitjen tonë”.
“Ne kërkuam ta vrisnim lojën dhe kështu bëmë në pjesën e dytë. Ne nuk mund të relaksohemi. Ky është Botëror dhe gjithçka mund të ndodhë. Ne po bëjmë punë të mirë, por duhet të mbesim të fokusuar”, theksoi Higuain.
Argjentinës i duhet vetëm një pikë në sfidën ndaj Greqisë, për të siguruar kualifikimin.
Category: Afrika e Jugut 2010
0 Komente