Krasic konfirmohet si lojtar i Juves

Juventusi më në fund ka arritur ta transferojë anësorin serb të CSKA Moskës, Milos Krasic.
“CSKA Moska është pajtuar ta shesë Milos Krasicin te Juventusi. Ai do të shkojë në Torino në ditët në vijim për të nënshkruar kontratën. Ne gjithnjë do ta kujtojmë Milosin dhe i dëshirojmë çdo të mirë te klubi i ri”, shkruan në komunikatën e lëshuar nga klubi rus në faqen zyrtare.
Detajet e kontratës nuk janë bërë të ditura, por sipas spekulimeve, Bianconerët shpenzuan 15 milionë euro për lojtarin, i cili do të nënshkruajë kontratë pesëvjeçare në ditët në vijim.

Category: Futboll