Zyrtare: Hernanes lojtar i Lazios

Lazio ka konfirmuar se ka transferuar mesfushorin e Sao Paolos, Anderson Hernanes Carvalho Andrade Lima, i njohur shkurt si Hernanes.
Hernanes thuhet të ketë nënshkruar kontratë pesëvjeçare me Lazion, ndërsa shuma e tranferimit sipas mediave braziliane besohet të jetë 11 milionë euro. Drejtori i Lazios, Igli Tare, vendosi për publikimin e transferimit pas eliminimit të Sao Paolos nga Copa Libertadores, përkundër faktit se nënshkrimet e marrëveshjes i kishte një ditë më parë.
Hernanes në Brazil konsiderohet si “Kaka i dytë” dhe tani ka marrë dhe ftesën nga përzgjedhësi brazilian, Mano Menezes. Për Hernanes në të kaluarën kanë qenë të interesuar Interi dhe Milani.

Category: Futboll