Sneijder: Do ta rinovoj kontratën

Bisedimet për kontratën e një prej mesfushorëve më të mirë në botë, Wesley Sneijder me skuadrën e tij, Inter, janë në përfndim e sipër, pasi që asi holandez ka paralajmëruar se ai do të nënshkruajë një kontratë të re.
Pas spekulimeve të shumta mbi të ardhmen e Sneijder dhe kalimin e tij të mundshëm te Manchester United, Real Madridi apo Barcelona, është pikërisht mesfushori holandez ai që ka ‘përshëndetur’ gjigantët e lartpërmendur me një rinovim me kampionin aktual të Evropës, Interin.
“Ky është klubi im dhe jam shumë mirë këtu. Pas rreth dy javësh ne do të mbyllim bisedimet për rinovimin dhe unë do të nënshkruaj kontratën e re”, theksoi Sneijder për Il Corriere dello Sport.
Rinovimi do ta mbajë Sneijderin në Meazza deri në vitin 2015, ndërsa paga do t’i ngritet nga 4 milionë, në 6 milionë euro.

Category: Futboll