Zamparini: Interi nuk ka para për Pastoren

Dëshira e Interit për ta transferuar asin e Palermos, Javier Pastoren, në Giuseppe Meazza, është thjeshtë një mendim utopik sipas presidentit sicilian, Maurizio Zamparini, që thotë se Nerazzurët nuk kanë para për ta blerë argjentinasin.
“Unë nuk kam marrë oferta nga klube italiane, përderisa ka nga ato spanjolle që më kanë ofruar 25 milionë euro për të. Unë nuk dua të mohoj se Interi po e ndjek, por ata nuk mund ta transferojnë atë me kushtet që i kemi ne”, theksoi Zamparini.
Çdo skuadër e interesuar për Pastoren duhet t’ia deponojë në xhirollogari Zamparinit hiç më pak se 60 milionë euro.

Category: Futboll