Chelsea nuk ndalet

Skuadra e Chelseat ka shënuar fitore prej 2-1 kundër skuadrës sllovake Zilina, për të shënuar fitoren e pestë në pesë ndeshje në Grupin F.
Blutë u gjetën në disavantazh në minutën e 19-të, kur Issiaka Bello kaloi mysafirët në epërsi dhe me rezultat 0-1 përfundoi pjesa e parë.
Në gjysmën e dytë, vendasit rikthyen rezultatin në favor të tyre dhe e fituan ndeshjen.
Fillimisht, Daniel Sturridge barazoi rezultatin (51’), ndërsa Florent Malouda shënoi golin e fitores (86’).
Në takimin tjetër të Grupit F, Marseille ka shënuar fitore prej 3-0 si mysafir i Spartak Moskës.
Pas xhiros së pestë, Chelsea kryeson me rekord prej 15 pikësh, ndërsa ndiqet nga Marseille me nëntë pikë.

Category: Futboll