Ibra i pakënaqur me brazilianët e Milanit

Zlatan Ibrahimovic ka nxitur kundërthënie në radhët e Milanit, pasi është ankuar se nuk mund të tregojë lojën e tij kur luan me brazilianë.
Suedezi ishte shumë komplementar me Pippo Inzaghin pas paraqitjes në barazimin 2-2 të Milanit ndaj Real Madridit, të mërkurën mbrëma, por është shprehur i pakënaqur kur ka si partner sulmi ndonjë brazilian.
“Pippo është i jashtëzakonshëm. Ai duhet të luajë më shumë, pasi nëse dikush ia del mirë ai e meriton. Ndjehem më i lirë me Pippo pasi mund të lëviz më shumë. Ndryshe, kur luaj me brazilianë ndjehem më i obliguar të qëndroj në një zonë”, ka thënë Ibra.

Category: Futboll