City arrin marrëveshje për transferimin e Dzeko

Manchester City ka arritur marrëveshje për të transferuar sulmuesin e Wolfsburg, Edin Dzeko, sipas menaxherit të ekipit, Roberto Mancini.
Sulmuesi boshnjak ka qenë në bisedime për tu zhvendosur në Eastlands gjatë Krishtlindjeve, dhe Mancini ka konfirmuar se 24-vjeçari është në rrugë për të realizuar këtë lëvizje.
“Ne kemi arritur marrëveshje për shumën. Ai është një lojtar i mirë dhe të gjitha ekipet evropiane e dëshirojnë atë. Por ne kemi një ndeshje të rëndësishme ndaj Arsenalit në radhë dhe do të flas për këtë gjë vetëm pas saj”, ka thënë Mancini.
Mancini nuk e ka zbuluar shumën e transferimit, por sipas mediave angleze ajo është rreth 35 milionë funte.

Category: Futboll