Galliani: Sfida ndaj Napolit nuk është vendimtare

Zëvëndëspresidenti i Milanit, Adriano Galliani, ka pranuar se ndeshja derbi e kësaj fundjave në Serie A mes Rossonerëve dhe Napolit është shumë e rëndësishme për kuq e zinjtë, por as se si vendimtare.
“Ndeshja ndaj Napolit do të jetë e rëndësishme, por jo vendimtare. Ekzistojnë pritje të mëdha, pasi luajnë i pari dhe i dyti, por aty luftohet vetëm për pikë dhe 36 pikë janë ende për t’u fituar”.
“Ne duhet ta kujtojmë se fitorja ndaj Napolit nuk do të thotë se kemi fituar Scudetton”, tha Galliani.
Duke folur për ekipet italiane në Ligën e Kampionëve, Galliani shprehu bindjen se ato mund të kualifikohen më tej në garën më prestigjioze evropiane.

Category: Futboll