Bale mungon kundër Realit?
Tottenhami ka bërë të ditur se Gareth Bale mund të mos arrijë të rikuperohet për ndeshjen e parë çerekfinale të Ligës së Kampionëve përballë Real Madridit. Spursat vazhdojnë ta përcjellin situatën e Bale në prag të ndeshjes së vikendit kundër Wiganit, por edhe pjesëmarrja e tij në ndeshjen e të martës përballë Realit vazhdon të jetë në dyshim. “Gareth është rikthyer dhe ka marrë pjesë në një vrap kontrollues ashtu që ne të mund ta vlerësojmë atë. Ne e kemi dërguar në një skenim ultrazë dhe kemi konfirmuar praninë e një tërheqje të vogël muskulore në gju”. “Gareth nuk ka pasur dhimbje ose ngurtësi nga vrapimi dhe ne duhet të vazhdojmë ta përcjellim atë për të parë se si ai i përgjigjet programit gjatë javës”, thuhet në një deklaratë në faqen zyrtare të Tottenhamit.
Category: Futboll
0 Komente