Capello: Mourinho nuk më respektoi

Menaxheri i Anglisë, Fabio Capello, ka akuzuar trajnerin e Real Madridit, Jose Mourinho, për mungesë respekti kundrejt stafit të tij teknik kur tha se ai ishte pranë kombëtares angleze në vitin 2007. “Unë nuk flas për marrëdhëniet e mia me klubet tjera, kjo për shkak të respektit për menaxherët tjerë. Nuk më pëlqen të flas për marrëdhëniet e mia me klubet dhe njerëz tjerë. Këto janë sekrete personale. Unë kurrë nuk do t’iu tregoj se çfarë vërtet ndodhi në karrierën time”. “Mendoj se është gjë serioze. Sa herë një klub apo kombëtare vendos të zgjedh një menaxher, atëherë ata flasin me shumë strategë. Është normale. Nuk është më ndryshe as në rastin tim. Nuk më pëlqen të flas për këtë. Kam folur mjaft. Ju falemnderit”, tha Capello.

Category: Futboll