Ibrahimovic: Faji i joni, nëse nuk e fitojmë titullin

Zlatan Ibrahimovic thotë se Milani do të duhet të fajësojë vetëm veten nëse ata mposhten në garën për Skudeton. Rossonerët do të përballen me Interin në derbin e kësaj fundjave, që do të përcaktojë edhe vazhdën e mëtejme të sezonit. I pyetur nëse ndjehet i harxhuar, Ibra ka thënë: “Jo, jo. Ndjehem shumë mirë. Forma ime është shumë e mirë. Gjithçka është mirë”. “Mendoj se gara për titull do të jetë e vështirë deri në fund. Ka edhe tetë ndeshje të mbetura. Duke parë se Interi fitoi ndeshjet e fundit dhe ne i humbëm ato, tash është vërtet vështirë”. “Nëse nuk e fitojmë Skudeton është faji i jonë pasi jemi ekipi më i mirë në Itali. Derbi është i rëndësishëm pasi është më shumë se një ndeshje normale. Kam luajtur në shumë derbi dhe e di këtë. Do të jetë shkëlqyeshëm dhe e rëndësishme të fitojmë”, ka shtuar suedezi.

Category: Futboll