VdV: E kërkova Realin në çerekfinale

Mesfushori i Tottenhamit, Rafael Van der Vaart, mezi e pret rikthimin e tij në Santiago Bernabeu me fanellën e Tottenhamit, pasi skuadra nga Londra Veriore u shortua me gjigantin spanjoll.
“Unë jam i kënaqur me shortin. Unë kam shpresuar që kjo të ndodhë sepse do të jetë fantastik rikthimi në Madrid. Unë kam shumë miq atje dhe do të jetë mirë t’i shoh përsëri. Është ndeshje e madhe. Sfida e parë zhvillohet në udhëtim dhe kjo është mirë për ne”.
“Për mua, Reali është klubi më i madh në botë. Natyrisht, Barcelona është ekipi më i mirë në botë për momentin, por do ta ndjeni historinë dhe atë se sa i madh është klubi me të hyrë në stadium”, ka thënë Van der Vaart.

Category: Futboll