Pinzi i zhgënjyer pas disfatës nga Arsenali

Mesfushori i Udineses, Giampiero Pinzi, ka shprehur zhgënjimin e tij pas disfatës 2-1 nga Arsenali dhe eliminimit nga Liga e Kampionëve.
Antonio Di Natale riktheu shpresat për kualifikim në pjesën e parë kur shënoi një gol me kokë për t’u dhënë italianëve avantazhin 1-0, pas disfatës me po të njëjtin rezultat në Emirates javën e kaluar. Megjithatë ata lejuan Arsenalin të përmbysë rezultatin duke pranuar dy gola, njëri i shënuar nga Robin Van Persie dhe tjetri nga Theo Walcott.

“Ne dhamë maksimumin në këto dy ndeshje kundër Arsenalit, ndoshta më shumë se kaq. Jemi të zhgënjyer pasi u eliminuam, por ne mund të bëhemi më të fuqishëm nga kjo disfatë ashtu që t’ia dalim mirë në Serie A”, ka thënë Pinzi.

Category: Futboll