Arsenali tjetër skuadër me Van Persien në formë

Arsenali është krejtësisht skuadër tjetër kur Robin van Persie është në formë dhe e udhëheq sulmin- ka deklaruar Theo Walcott.
Të dy lojtarët ishin në formë të lartë në fitoren prej 5-3 ndaj Chelseat, ndërsa anësori anglez ka treguar për rëndësinë që ka kapiteni i Topçinjve.

“(Golat) tregojnë se sa i rëndësishëm është ai për këtë skuadër. Ai ka pasur shumë lëndime, ndërsa kur e kemi një Robin me kondicion të mirë gjatë sezonit, ne jemi një skuadër tërësisht ndryshe”.

“Nuk është spektakël i një lojtari, por Robin na jep një dimension shtesë, të tillë që nuk e kemi pasur më parë”.

“Ne jemi të lumtur dhe shpresojmë që ai të jetë në formë dhe të shënojë gola”, ka thënë Walcott për faqen zyrtare të klubit.

Category: Futboll