Barazon Arsenali – Newcastle rrezikon pozitën e katërt

Me rezultat prej 1-1, Arsenali ka barazuar si mysafir i Stoke Cityt, ndërkohë që Newcastle United është mposhtur me rezultat 4-0 nga Wigan Athletic.

Peter Crouch kaloi Stoken në epërsi (10’), ndërsa Robin van Persie e barazoi rezultatin (15’).

Ndërkaq, me golat e Victor Moses (13’ dhe 15’), Shaun Maloney (36’) dhe Franco Di Santo (45’+2), Wigani ka triumfuar përballë Newcastle.

Pas kësaj xhiroje, Arsenali ka 66 pikë dhe gjendet në pozitën e tretë, ndërsa Newcastle United një pozitë më poshtë ka 62 pikë.

Tottenhami me fitore eventuale ndaj Blackburnit do të pozicionohet në vend të katërt me pikë të barabarta me Newcastle, ndërsa Chelsea nëse mposht QPR-në, do të jetë vetëm një pikë larg vendit të katërt që çon në Ligën e Kampionëve.

Category: Futboll