Ibra nuk e dëshiron Guardiolan te Milani

Zlatan Ibrahimovici është i gatshëm të largohet nga Milani, nëse Silvio Berlusconi e angazhon Pep Guardiolan në postin e trajnerit.
Guardiola do të largohet nga Barcelona në fund të sezonit, ndërsa La Gazetta dello Sport ka raportuar se Rossonerët do të përpiqen ta angazhojnë atë në San Siro.

Duke ditur mosmarrëveshjet e të kaluarës në Camp Nou mes Ibras dhe Pep, mediat spekulojnë se sulmuesi do të largohet nëse ndodh diçka e tillë.

Mirëpo, thuhet se Berlusconi dëshiron të ndërmjetësojë në rregullimin e raporteve mes Ibrahimovicit dhe Guardiolas, pasi që i dëshiron të dy te klubi.

Category: Futboll