Guardiola: Barca do të jetë konkurruese edhe me Vilanovan

Pep Guardiola ka siguruar tifozët e Barcelonës se klubi do të vazhdojë të shijojë sukses me trajnerin e zgjedhur Tito Vilanova sezonin e ardhshëm, pas fitores 7-0 ndaj Rayo Vallecanos.

Menaxheri i Barcelonës ditë më parë zbuloi se ai nuk do të jetë në këtë detyrë pas fundit të sezonit dhe klubi menjëherë caktoi zëvendësin e tij si trajner të ardhshëm.

“Kjo skuadër është e re, Tito i njeh lojtarët mirë dhe jam i bindur se Barcelona do të vazhdojë të jetë konkurruese”.

“Jam falënderues për të gjithë lëvdatat si përgjigje ndaj largimit tim, edhe pse unë nuk kam vdekur. Unë ende jam këtu”, ka thënë Pep.

Category: Futboll