City ka besuar në triumf

Trajneri i Manchester Cityt, Roberto Mancini, beson se skuadra e tij e meriton titullin e Ligës Premier këtë sezon.

‘Pasanikët’ janë një fitore larg shpalljes kampion i Anglisë, sepse edhe nëse përfundojnë me pikë të barabarta me Manchester Unitedin, kanë golaverazh më të mirë se rivali lokal.

Mancini ka pohuar se City ka besuar në triumf edhe kur ishte tetë pikë prapa pozitës së parë në tabelë.

“Ne kemi luajtur futbollin më të mirë, pa kurrfarë dyshimi. Edhe nëse nuk fitojmë, ne kemi luajtur më mirë”, ka deklaruar italiani.

Category: Futboll