Fitore bindëse e Spanjës
Kampioni në fuqi i Evropës dhe botës, Spanja, ka regjistruar fitore prej 4-1 përballë Koresë së Jugut, në një ndeshje miqësore që u zhvillua në Bernë.
Fernando Torres e hapi serinë e golave (11’), ndërsa Do-Heon Kim e barazoi rezultatin (43’) për t’i dërguar skuadrat në pushim me shifra identike.
Mirëpo, në gjysmën e dytë spanjollët ishin dominues dhe realizuan tri herë.
Xabi Alonso riktheu epërsinë e Furisë së Kuqe nga pika e bardhë (52’), ndërsa Santiago Cazorla shënoi menjëherë pas (56’).
Rezultatin përfundimtar e vendosi Negredo dhjetë minuta pa përfunduar takimi.
Në Euro 2012, Spanja bën gara në Grupin C, së bashku me Italinë, Kroacinë dhe Irlandën.
Category: Euro 2012
0 Komente